Financial history of gold

 

സ്വര്‍ണ്ണത്തിന്‍റെ സാമ്പത്തിക ചരിത്രം

(2024 സെപ്തംബര് 25 ലെ തനിനിറം പ്രസിദ്ധീകരിച്ചത്)

കണ്ണിന് സന്തോഷം പകരുന്ന നിറവും തിളക്കവും കണ്ടാവും ആദിമമനുഷ്യര്‍ അരുവികളില്‍ നിന്നും സ്വര്‍ണ്ണത്തരികള്‍ ശേഖരിക്കാന്‍ തുടങ്ങിയത്. ഇന്നത്തെ കിഴക്കന്‍ യൂറോപ്പില്‍ ബിസിഇ നാലായിരത്തില്‍ മനുഷ്യര്‍ സ്വര്‍ണ്ണം ഉപയോഗിച്ചുതുടങ്ങി എന്നാണ് ദേശീയ മൈനിംഗ് അസോസിയേഷന്‍ രേഖകളില്‍ പറയുന്നത്. ദൈവപൂജയ്ക്കും ആഭരണ നിര്‍മ്മാണത്തിനും ഇത് ഉപയോഗിച്ചുവന്നു.ബിസിഇ 1500 ല്‍ പുരാതന ഈജിപ്തിലെ രാജാവാണ് സ്വര്‍ണ്ണത്തെ ആദ്യമായി വിദേശ വ്യാപാരത്തിനുള്ള വിനിമയ വസ്തുവാക്കി മാറ്റിയത്. ഈജിപ്തിലെ നുബിയയിലുണ്ടായിരുന്ന സ്വര്‍ണ്ണസമ്പത്താണ് അദ്ദേഹത്തെ ഇതിന് പ്രരിപ്പിച്ചത്.അക്കാലത്ത് ഈജിപ്ത് തയ്യാറാക്കിയ ഷെക്കല്‍ എന്ന നാണയം വിനിമയത്തിനുള്ള സ്റ്റാന്‍ഡേര്‍ഡ് യൂണിറ്റായി മാറി. 11.3 ഗ്രാമായിരുന്നു ഒരു ഷെക്കല്‍.ഇത് ശരിക്കും പ്രകൃതിയില്‍ നിന്നും ലഭിച്ച സ്വര്‍ണ്ണം അടങ്ങിയ ലോഹക്കൂട്ടായിരുന്നു.ഇലക്ട്രം എന്ന് വിളിച്ചുവന്ന ഇതില്‍ മൂന്നില്‍ രണ്ട് ഭാഗം സ്വര്‍ണ്ണവും മൂന്നിലൊന്ന് വെള്ളിയുമായിരുന്നു.ഈ കാലത്താണ് സ്വര്‍ണ്ണത്തിന്‍റെ പരിശുദ്ധി പരിശോധിക്കുന്ന അഗ്നി പരിശോധന ബാബിലോണിയക്കാര്‍ കണ്ടെത്തിയത്.സ്വര്‍ണ്ണത്തിന്‍റെ പരിശുദ്ധി പരിശോധിക്കാന്‍ ഇന്നും ഈ രീതിയാണ് പിന്‍തുടരുന്നത്.

ബിസിഇ 1200 ല്‍ ഈജിപ്തുകാര്‍ സ്വര്‍ണ്ണം പല ലോഹങ്ങളുമായി ചേര്‍ത്ത് ലോഹസങ്കരങ്ങളുണ്ടാക്കാന്‍ തുടങ്ങി.അവ ഉറപ്പു കൂടിയതും പല നിറത്തിലുള്ളവയുമായി തീര്‍ന്നു.ഏഷ്യാമൈനറിലെ ലിഡിയയില്‍ ബിസിഇ 560 ലാണ് സ്വര്‍ണ്ണ നാണയ നിര്‍മ്മാണം തുടങ്ങിയത്. സ്വര്‍ണ്ണത്തിന്‍റെ രാസനാമമായ ഔറം എന്ന ലാറ്റിന്‍ പദത്തെ അടിസ്ഥാനമാക്കി ബിസിഇ 50 ല്‍ റോമക്കാര്‍ ഓറിയസ് എന്ന നാണയമിറക്കി.സിഇ 1066 ലാണ് ഇംഗ്ലണ്ടിലെ രാജാവായിരുന്ന വില്യം ലോഹനാണയത്തെ കറന്‍സിയാക്കി വ്യാപാരം തുടങ്ങിയത്. അങ്ങിനെയാണ് പൌണ്ടും ഷില്ലിംഗും പെന്‍സും വിനിമയ നാണയങ്ങളായി മാറിയത്. ഒരു പൌണ്ട് എന്നത് ശുദ്ധമായ ഒരു പൌണ്ട് വെള്ളിയായിരുന്നു. 1284 ല്‍ ഗ്രേറ്റ് ബ്രിട്ടന്‍ ആദ്യ സ്വര്‍ണ്ണ നാണയം ഇറക്കി. എന്നാല്‍ റിപ്പബ്ലിക് ഓഫ് ഫ്ലോറന്‍സ് കൊണ്ടുവന്ന ഡക്കറ്റ് ആണ് പ്രസിദ്ധി നേടിയത്. ഈ നാണയം 500 വര്‍ഷം ശക്തമായി മാര്‍ക്കറ്റിലുണ്ടായിരുന്നു.1787 ല്‍ അമേരിക്ക സ്വര്‍ണ്ണ നാണയമിറക്കുകയും 1792 ല്‍ നാണയ നിയമം കൊണ്ടുവരുകയും ചെയ്തു. വെള്ളിയും സ്വര്‍ണ്ണവും വിനിമയത്തിന് ഉപയോഗിക്കുന്ന ഇരട്ടലോഹ രീതിയായിരുന്നു അവരുടേത്. 1848 ല്‍ കാലിഫോര്‍ണിയയിലെ അരുവിയില്‍ സ്വര്‍ണ്ണ അടരുകള്‍ കണ്ടതോടെ അവിടേക്ക് ആളുകള്‍ കൂട്ടമായെത്തി.ഭാഗ്യാന്വേഷികളുടെ പറുദീസയായി അവിടം മാറി.കാലിഫോര്‍ണിയയുടെ വികസനത്തിന് നിമിത്തമായതും ഈ സ്വര്‍ണ്ണാന്വേഷണമാണ്.1868 ല്‍ ദക്ഷിണാഫ്രിക്കയില്‍ സ്വര്‍ണ്ണം കണ്ടെത്തിയതോടെ ആളുകളുടെ ശ്രദ്ധ അവിടേക്കായി.ഇപ്പോഴും ലോകത്തിലെ ആകെ സ്വര്‍ണ്ണത്തിന്‍റെ 40 ശതമാനവും ലഭിക്കുന്നത് ആഫ്രിക്കയില്‍ നിന്നാണ്.1976 വരെ അമേരിക്കയില്‍ നാണയ നിയമം ചെറിയ മാറ്റങ്ങളോടെ തുടര്‍ന്നുവന്നു. 1976 ല്‍ ലോഹത്തില്‍ നിന്നും ഫിയറ്റ് മണി അഥവാ പേപ്പര്‍ മണിയിലേക്ക് അമേരിക്ക മാറി.

ലോകത്തെ എല്ലാ ജനതയേയും ആകര്‍ഷിച്ച ലോഹം എന്ന നിലയിലാണ് സ്വര്‍ണ്ണം വിനിമയ ഉപാധിയായി മാറിയത്. പണവ്യവസ്ഥയുടെ അടിസ്ഥാന സാമ്പത്തിക യൂണിറ്റ് സ്വര്‍ണ്ണമാണ്. യുഎസ് ഡോളറിന് ഒരു നിശ്ചിത അളവ് സ്വര്‍ണ്ണമാണ് അടിസ്ഥാനം. പേപ്പര് മണി ഉള്ളവര്‍ക്ക് ബാങ്കില്‍ അത് നല്‍കി സ്വര്‍ണ്ണം വാങ്ങാമായിരുന്നു.എന്നാല്‍ ഒന്നാം ലോകമഹായുദ്ധത്തിന് ശേഷം ഈ രീതി ഒഴിവാക്കി. സ്വര്‍ണ്ണവും വെള്ളിയും ചേര്‍ന്ന ബൈമെറ്റാലിക് രീതി രാജ്യങ്ങള്‍ക്ക് പ്രശ്നമായതോടെയാണ് സ്വര്‍ണ്ണത്തിലേക്ക് വിനിമയ രീതി ചുരുക്കിക്കൊണ്ടുവന്നത്. കോളനി വത്ക്കരണവും ഖനനവും സജീവമായതോടെ സ്വര്‍ണ്ണത്തിന്‍റെ വരവ് കൂടുകയും സ്വര്‍ണ്ണ നിലവാരം ശക്തമാവുകയും ചെയ്തു. 1871 ല്‍ ഇംഗ്ലണ്ടും ജര്‍മ്മനിയും സ്വര്‍ണ്ണ നിലവാരം(ഗോള്ഡ് സ്റ്റാന്ഡാര്‍ഡ്) ഔദ്യോഗികമാക്കിയതോടെ ഒരു അന്താരാഷ്ട്ര സ്വര്‍ണ്ണ നിലവാരം നിലവില്‍ വന്നു. 1900 ആയപ്പോഴേക്കും വികസിത രാജ്യങ്ങളെല്ലാം ഇത് അംഗീകരിച്ചു. 1914 ല്‍ ഒന്നാം ലോകമഹായുദ്ധം തുടങ്ങിയതോടെയാണ് ഈ നില മാറി. പേപ്പര്‍ മണിക്ക് സ്വര്‍ണ്ണ നിലവാരം നിശ്ചയിച്ചിരുന്നതിനാല്‍ യുദ്ധാവശ്യങ്ങള്‍ക്ക് പണം അച്ചടിക്കാന്‍ കഴിയാതെ വന്നതിനാല്‍ പല രാജ്യങ്ങളും സ്വര്‍ണ്ണ നിലവാരം സസ്പെന്‍ഡ് ചെയ്യുകയും പണം കൂടുതലായി അച്ചടിക്കുകയും ചെയ്തു. ഇത് ഒടുവില്‍ ഉയര്‍ന്ന പണപ്പെരുപ്പത്തിന് കാരണമായി. എന്നാല്‍ യുദ്ധം കഴിഞ്ഞതോടെ കറന്‍സി നിര്‍മ്മാണത്തിനും അന്താരാഷ്ട്ര വ്യാപാരത്തിനും സ്വര്‍ണ്ണ നിലവാരം തിരിച്ചുവന്നു. എന്നിരുന്നാലും രാഷ്ട്രങ്ങള്‍ തമ്മിലുള്ള ബന്ധങ്ങള്‍ മാറിമറിഞ്ഞതോടെ അന്തര്‍ദേശീയ കടബാധ്യത കുതിച്ചുയര്‍ന്നു. ഭരണം ബുദ്ധിമുട്ടിലായി. പലപ്പോഴും പല രാജ്യങ്ങളും സ്വര്‍ണ്ണ നിലവാരത്തില്‍ പിടിച്ചു നില്‍ക്കാന്‍ കഴിയാതെ വിഷമിച്ചു. എങ്കിലും ലോകം പൊതുവെ സ്വര്‍ണ്ണ നിലവാരത്തില്‍ വിശ്വസിക്കുന്നു.അതിപ്പോഴും സ്ഥിരത കൈവരിച്ചിട്ടില്ല എന്നത് സത്യമാണ്. യുദ്ധശേഷമുണ്ടായ ഗ്രേറ്റ് ഡിപ്രഷന്‍ ലോകജനതയെ വല്ലാതെ ബാധിച്ചു. 1929 ലെ ഓഹരി വിപണിയുടെ തകര്‍ച്ചയോടെ യൂറോപ്യന്‍ കറന്‍സികള്‍ ആകെ തകര്‍ന്നു.ജര്‍മ്മനി യുദ്ധക്കെടുതിയില്‍ നിന്നും ഒട്ടും മോചിതമായിരുന്നില്ല. ബാങ്കിലും കറന്‍സിയിലും വിശ്വാസം നഷ്ടപ്പെട്ടവര്‍ സ്വര്‍ണ്ണം പൂഴ്ത്തിവയ്ക്കാന്‍ തുടങ്ങി. അതോടെ സ്വര്‍ണ്ണവില കുതിച്ചുയര്‍ന്നു. പലിശ വര്‍ദ്ധിപ്പിച്ച് നിക്ഷേപത്തിലേക്ക് ആളുകളെ ആകര്‍ഷിക്കാനുള്ള നീക്കവും പാളി.ചുരുക്കത്തില്‍ 1930 ല്‍ ബ്രിട്ടനുള്‍പ്പെടെ എല്ലാ രാജ്യങ്ങളും സ്വര്‍ണ്ണ നിലവാരം സസ്പെന്‍ഡ് ചെയ്യുകയോ ഉപേക്ഷിക്കുകയോ ചെയ്തു. നേരത്തെ സ്വര്‍ണ്ണ നിലവാരം ഉപേക്ഷിച്ച രാജ്യങ്ങളാണ് ശരിക്കും ഗ്രേറ്റ് ഡിപ്രഷനില്‍ നിന്നും ആദ്യം കരകയറിയത് എന്നതും ശ്രദ്ധേയമാണ്.

സ്വര്‍ണ്ണം കരുതലായി വച്ച് വിനിമയം ഒരുക്കുന്ന പ്രധാന രാഷ്ട്രങ്ങള്‍ അമേരിക്കയും ഫ്രാന്‍സുമാണ്. അമേരിക്കന്‍ പ്രസിഡന്‍റ് റൂസ്വെല്‍റ്റ് സ്വര്‍ണ്ണം പൂഴ്ത്തിവയ്ക്കുന്നത് ഒഴിവാക്കാന്‍ പലവിധ നടപടികള്‍ കൊണ്ടുവന്നു. ബാങ്കിലെ സ്വര്‍ണ്ണമെല്ലാം ഫെഡറല്‍ റിസര്‍വ്വിലാക്കി. സ്വര്‍ണ്ണത്തിനായി ഡോളര്‍ റിഡിം ചെയ്യാന്‍ ബാങ്കുകളെ അനുവദിച്ചില്ല.സ്വര്‍ണ്ണ കയറ്റുമതിയും നിര്‍ത്തലാക്കി.1934 ല്‍ ആണ് സ്വര്‍ണ്ണ കരുതല്‍ നിയമം കൊണ്ടുവന്നത്. സ്വര്‍ണ്ണത്തിന്‍റെ സ്വകാര്യ ഉടമസ്ഥാവകാശം നിര്‍ത്തലാക്കി. സ്വര്‍ണ്ണമെല്ലാം സര്‍ക്കാരില്‍ നിക്ഷിപ്തമായി. അതോടെ അമേരിക്കയ്ക്ക് കടങ്ങള്‍ സ്വര്‍ണ്ണത്തില്‍ മടക്കി നല്‍കുന്നതിന് പകരം ഡോളറില്‍ നല്‍കാന്‍ കഴിഞ്ഞു. ചുരുക്കത്തില്‍ സ്വര്‍ണ്ണത്തിന്‍റെ ആഗോള കമ്പോളം അമേരിക്കയുടെ കൈയ്യിലായി.

രണ്ടാം ലോകമഹായുദ്ധം വന്നതോടെ ഡിപ്രഷന്‍ അവസാനിച്ചു. മിക്ക രാജ്യങ്ങളും സ്വര്‍ണ്ണ നിലവാരത്തിലേക്ക് തിരിച്ചെത്തി. എല്ലാ അന്താരാഷ്ട്ര കറന്‍സികള്‍ക്കും സ്വര്‍ണ്ണം അടിസ്ഥാനമാക്കി ഒരു വിനിമയ ഫ്രെയിംവര്‍ക്ക് ഉണ്ടാക്കാന്‍ 1944 ല്‍ അമേരിക്കയിലെ ബ്രെട്ടണ് വുഡ്സില്‍ പ്രധാന ലോകരാജ്യങ്ങളുടെ സമ്മേളനം ചേര്‍ന്നു. ലോകത്തിലെ ഏറ്റവും ഉയര്‍ന്ന സ്വര്‍ണ്ണ ശേഖരമുള്ള അമേരിക്കയുടെ കറന്‍സിയായ ഡോളറിനെ ഡീഫാക്ടര്‍ കറന്‍സിയായി പ്രഖ്യാപിച്ചു. മിക്ക രാജ്യങ്ങളിലേയും കേന്ദ്ര ബാങ്കുകള്‍ തങ്ങളുടെ കറന്‍സി സ്വര്‍ണ്ണത്തിന് പകരം ഡോളറുമായി ബന്ധിപ്പിക്കാന്‍ തുടങ്ങി. വിനിമയ നിരക്ക് സ്ഥിരത നിലനിര്‍ത്താന്‍ വിദേശവിനിമയ വിപണിയില്‍ സ്വന്തം കറന്‍സികള്‍ വാങ്ങുകയും വില്‍ക്കുകയും ചെയ്തു. 1960 ല്‍ പണപ്പെരുപ്പം വര്‍ദ്ധിച്ചു.അമേരിക്ക സ്വര്‍ണ്ണശേഖരം വന്‍തോതില്‍ കുറച്ച് യൂറോപ്പിലേയും മറ്റിടങ്ങളിലേയും യുദ്ധം കഴിഞ്ഞുള്ള പുനര്‍നിര്‍മ്മാണത്തിന് സഹായമെത്തിച്ചു.1968 ല്‍ സ്വര്‍ണ്ണത്തിന്‍റെ ആഗോള വിതരണം നടത്തിവന്ന മിക്ക രാഷ്ട്രങ്ങളും ലണ്ടന്‍ കമ്പോളത്തില്‍ സ്വര്‍ണ്ണം വില്‍ക്കുന്നത് നിര്‍ത്തി. അതോടെ രാഷ്ട്രങ്ങള്‍ സ്വര്‍ണ്ണ വില നിശ്ചയിക്കുന്ന രീതി മാറി,പൊതുകമ്പോളം വില നിശ്ചയിക്കാന്‍ തുടങ്ങി.1971 ല്‍ അമേരിക്കന്‍ പ്രസിഡന്‍റ് നിക്സണ്‍ ഒരു ഔണ്‍സ് സ്വര്‍ണ്ണത്തിന്‍റെ വില 38 ഡോളറായി നിശ്ചയിച്ചു. ഡോളറിന് പകരം സ്വര്‍ണ്ണം നല്‍കാന്‍ ഫെഡറല്‍ റിസര്‍വ്വിനെ അനുവദിച്ചുമില്ല.അതോടെ ഗോള്‍ഡ് സ്റ്റാന്‍ഡാര്‍ഡ് അഥവാ സ്വര്‍ണ്ണ  നിലവാരം അവസാനിച്ചു.1976 ഓടെ സ്വര്‍ണ്ണം സര്‍ക്കാര്‍ നിയന്ത്രണങ്ങളില്‍ നിന്നും പൂര്‍ണ്ണമായും സ്വതന്ത്രമായി.സ്വര്‍ണ്ണ ഖനനവും വിലയും ആവശ്യവും വര്‍ദ്ധിച്ചു.

ഭൂമിയുടെ പ്രതലത്തില്‍ ഒരു ടണ്ണില്‍ 0.004 ഗ്രാം സ്വര്‍ണ്ണമേയുള്ളു. വയ്ക്കോല്‍ കൂനയില് സൂചി തേടുംപോലെ പ്രയാസമാണ് ഇത് കണ്ടെത്താന്‍..ജിയോളജിസ്റ്റുകളാണ് ഇത് കണ്ടെത്തുക. ഒരു നിക്ഷേപം എന്ന നിലയിലും അലങ്കാരം എന്ന നിലയിലും മാത്രമല്ല പ്രധാനപ്പെട്ട പല ആവശ്യങ്ങള്‍ക്കും സ്വര്‍ണ്ണം അനിവാര്യമാണ്.ഓരോ സെല്‍ഫോണിലും 50 മില്ലിഗ്രാം സ്വര്‍ണ്ണമുണ്ട്. തുരുമ്പ് എടുക്കാത്തതിനാല്‍ പല്ലിലെ പോട് അടയ്ക്കാനും കവറിടാനും സ്വര്‍ണ്ണ അലോയ് ഉപയോഗിക്കുന്നു. സിദ്ധ മരുന്നുകളില്‍ പ്രധാനമായതാണ് തങ്കഭസ്മം.വാതം,വേദന തുടങ്ങിയ ചികിത്സകള്‍ക്കും സ്വര്‍ണ്ണം ഉപയോഗിക്കാറുണ്ട്. ബഹിരാകാശ കപ്പലിലും സ്വര്‍ണ്ണം ഉപയോഗിക്കുന്നു. വേഗം ഉരുകാത്ത ലോഹമെന്ന നിലയില്‍ ബഹിരാകാശ കപ്പലിലെ ഗ്ലാസ് ഇന്സുലേററ്ററായാണ് ഇത് ഉപയോഗിക്കുന്നത്.5000 വര്‍ഷമായി മനുഷ്യനില് നിലനില്‍ക്കുന്ന സ്വര്‍ണ്ണാസക്തിയും ആധുനിക മേഖലകളില്‍ അതിന് പുതുതായി വന്നുചേരുന്ന  പ്രാധാന്യവും ഉടനൊന്നും അവസാനിക്കില്ല എന്നുറപ്പ്.അതുകൊണ്ടുതന്നെയാണ് സ്വര്‍ണ്ണവില നാള്‍ക്കുനാള്‍ കുതിച്ചുയരുന്നതും👌

 

Kindly review the draft letter addressed to major bread manufacturers, suggesting the production of customer-friendly small bread packets.

 

Thiruvananthapuram

23.09.2024

No.5/9/2024

From

V.R.Ajith kumar

President

People for Better society(PEBS)

Thiruvananthapuram

Dear Sir,

Subject: Suggestion for Introducing Small Bread Packets for Bachelors and Nuclear Families- Reg-

         We,the members of the PEBS trust,  hope this letter finds you well. We would like to offer a suggestion that we  believe could be beneficial both to consumers and your business.

         Bread is a staple in the diet of many, particularly for bachelors, students, and small families. It often serves as a quick and convenient meal option, not just for breakfast but sometimes for dinner as well. From our observations, many individuals, especially those living alone or in nuclear families, typically consume about 5 slices of bread at a time. However, bread is currently sold in larger packs (400-450 gm, containing 12-15 slices), which is ideal for bigger families but not as suitable for smaller households.

          Given this, we would like to propose the introduction of smaller bread packs, containing 5 slices. This size would cater perfectly to bachelors, students, and nuclear families, who often find it challenging to finish larger packets before the bread expires. The availability of smaller portions would help reduce wastage and encourage more frequent purchases, leading to increased customer satisfaction.

            Many FMCG products have already successfully adopted this approach, offering smaller, more affordable packs to meet the needs of individuals and small families. Health drinks like Boost, Horlicks, and Bournvita are available in Rs. 5/10 packs, biscuits come in Rs. 5/10 packs, and coffee brands like Bru and Sunrise offer Rs. 2 sachets. Even cakes and buns are now offered in convenient smaller sizes. Following this trend, a 5-slice bread pack could fill a similar gap in the market.

               Such an initiative would not only address the practical needs of many consumers but could also prove to be a significant business opportunity, likely leading to a rise in sales volume. The phrase "small is beautiful" would truly ring true in this context, as smaller portions can indeed drive bigger business growth.

             We  humbly request that you consider this suggestion and explore the possibility of launching smaller bread packets in the near future. It would be a great convenience for many, and we are  confident it would be warmly received by the market.

Thank you for your time and consideration.

Yours faithfully, 

Sd/-

V.R. Ajith Kumar

President, PEBS 

M: 9567011942 

 

 

New idea- small packet bread

 

നൂതനാശയം

--------------------

ചെറുപാക്കറ്റിലെ ബ്രഡ്

===================

ചെറുതാണ് മനോഹരം എന്നതാണ് പുതിയ കാലത്തെ ട്രെന്‍ഡ്.പണ്ടൊക്കെ കൂട്ടുകുടുംബങ്ങളും അവിടത്തെ തിരക്കുകളും സ്നേഹവും ലഹളയുമൊക്കെ ചേര്‍ന്നതായിരുന്നു മനോഹരമായ ജീവിതം.ഇപ്പോഴത് മാറി.അണു കുടുംബമായി.അച്ഛനും അമ്മയും ഒരു കുട്ടിയും ചേര്‍ന്ന മൂന്നംഗ കുടുംബം അല്ലെങ്കില്‍ രണ്ട് കുട്ടികളുള്ള നാലംഗ കുടുംബം,കുട്ടികളേ വേണ്ട എന്നു തീരുമാനിച്ച രണ്ടംഗങ്ങളും വിവാഹമേ വേണ്ട എന്ന് നിശ്ചയിച്ച ഏകാംഗ കുടുംബവും ഇപ്പോള്‍ അധികമായി വന്നുകൊണ്ടിരിക്കുന്നു.ഏകാംഗ കുടുംബം എന്നു പറയാന്‍ കാരണം അവിടെ പട്ടിയും പൂച്ചയുമൊക്കെ മക്കളായുണ്ടാകും എന്നതിനാലാണ്.

ഈ മാറ്റത്തിനൊപ്പം സഞ്ചരിക്കുന്നവരാണ് വ്യവസായികളും.പണ്ടൊക്കെ വീടുകളിലേക്ക് ഒരു ചാക്ക് അരി,ഒരു ചാക്ക് ഗോതമ്പ് എന്ന നിലയിലായിരുന്നു കൂട്ടുകുടുംബത്തിലേക്ക് സാധനങ്ങള്‍ വാങ്ങിയിരുന്നത്. പലവ്യഞ്ജനങ്ങള്‍ അഞ്ചു കിലോ മുതല്‍ അര കിലോ എന്ന മട്ടിലും.കാലം മാറിയപ്പോള്‍ കമ്പനികളും രീതി മാറ്റി.ഒരു കിലോ,രണ്ട് കിലോ,അഞ്ചു കിലോ എന്നിങ്ങനെ പാക്കറ്റുകളിലാണ് അരിയും ആട്ടയുമൊക്കെ ലഭിക്കുക.പയറുവര്‍ഗ്ഗങ്ങളും പഞ്ചസാരയുമൊക്കെ ഒരു കിലോ,അരകിലോ എന്നിങ്ങനെയായി.പൊടിച്ച പലവ്യഞ്ജനങ്ങള്‍ 250 ഗ്രാം,100 ഗ്രാം,50 ഗ്രാം എന്നിങ്ങനെയും സുഗന്ധവ്യഞ്ജനങ്ങള്‍ അതില്‍ കുറഞ്ഞ അളവിലും ലഭ്യമാക്കിത്തുടങ്ങി. ഒരു കിലോ ,500 ഗ്രാം പാക്കറ്റുകളില്‍ ലഭിച്ച അലക്കുപൊടികള്‍ ഇപ്പോള്‍ 5 ഗ്രാം, പത്ത് ഗ്രാം പാക്കറ്റുകളില്‍ ലഭിക്കുന്നു. ടൂത്ത്പേസ്റ്റും ഷേവിംഗ് ക്രീമും പൌഡറും കോസ്മെറ്റിക് വസ്തുക്കളുമെല്ലാം ചെറുതാണ് വില്പ്പനയ്ക്ക് ഉതകുന്നത് എന്ന മട്ടിലേക്ക് കളം മാറ്റി.പോക്കറ്റില്‍ ഒതുങ്ങുന്ന വിലയ്ക്ക് ഇവയെല്ലാം സാധാരണക്കാര്‍ക്ക് ലഭ്യമാക്കി.കാലാവധി കഴിയും മുന്നെ ഉപയോഗിച്ച് തീരും എന്നും ഉറപ്പായി.

ആരോഗ്യപാനീയങ്ങളുണ്ടാക്കുന്ന ഹോര് ലിക്സും ബുസ്റ്റും ബോണ്‍വിറ്റയും അഞ്ചു രൂപ,പത്ത് രൂപ പാക്കറ്റുകളില് എത്തി. ബ്രൂവും സണ്‍റൈസും കാപ്പിപ്പൊടി ചെറിയ പാക്കറ്റുകളില് ഇറക്കി.അഞ്ചു രൂപ,പത്ത് രൂപ വിലയുള്ള ചിപ്സ് പാക്കറ്റുകളും ബിസ്ക്കറ്റും ചെറിയ കുപ്പിയിലെ ശീതളപാനീയങ്ങളും കുപ്പിവെള്ളവുമൊക്കെ കടകളില് നിറഞ്ഞു.ഷെല്‍ഫിലായിരുന്ന പല ഉത്പ്പന്നങ്ങളും കടകളുടെ മുന്നില്‍ തോരണങ്ങളായി

എന്നിട്ടും ബാച്ചിലേഴ്സിന്‍റെയും ചെറിയ കുടുംബങ്ങളുടെയും സ്കൂള്‍-കോളേജ് വിദ്യാര്‍ത്ഥികളുടെയും പ്രിയപ്പെട്ട പ്രഭാത ഭക്ഷണമായ ബ്രെഡ് ഉണ്ടാക്കുന്ന കമ്പനികള്‍ ചെറുത് മനോഹരമാണ് എന്ന നിലപാടിലേക്ക് എത്തിയിട്ടില്ല. വലിയ പാക്കറ്റ് ബ്രഡ് വാങ്ങിയാല്‍,അതിന്‍റെ ആയുസ്സ് രണ്ടോ മൂന്നോ ദിവസമാണ് എന്നതിനാല്‍ ഉപയോഗിക്കാനുള്ള കാലാവധി കഴിഞ്ഞ് ബ്രഡ് കഷണങ്ങള്‍ നഷ്ടമാവുക എന്നത് സാധാരണമാണ്.വേഗത്തില്‍ ബാക്ടീരിയ പ്രവേശിക്കുന്ന ഒരു ഭക്ഷണമാണല്ലോ ബ്രഡ്. അതുകൊണ്ടുതന്നെ പലരും വലിയ പാക്കറ്റ് ബ്രഡ് വാങ്ങാന്‍ മടിക്കും.അത്തരത്തിലുള്ള ഒരാളാണ് ഞാനും.

അഞ്ച് കഷണം ബ്രഡ് ചേര്‍ന്ന ചെറിയ പാക്കറ്റ് വിപണിയില്‍ വന്നാല്‍ നിശ്ചയമായും ബ്രഡിന്‍റെ വില്‍പ്പന ഇപ്പോഴത്തേതിലും ഇരട്ടിയാകും എന്നുറപ്പ്. തനിച്ച് താമസിക്കുന്നവരും ചെറിയ കുടുംബങ്ങളും അവരുടെ ഒരു നേരത്തെ ഭക്ഷണം എന്നവിധം ഇതിനെ സ്വീകരിക്കാനുള്ള സാധ്യത വളരെ വലുതാണ്. ബ്രഡും ഓംലറ്റും ചേര്ന്ന ഒരു നേരത്തെ ഭക്ഷണം എന്ന രീതിക്ക് ഇത് ഗുണം ചെയ്യും. പലര്‍ക്കും സായാഹ്നത്തിലെ ലഘുഭക്ഷണമായും ഇത് മാറും.ഇത്തരത്തില്‍ ബ്രഡ് ഫാക്ടറികള്‍ക്കും വില്‍പ്പനക്കാര്‍ക്കും ഉപഭോക്താക്കള്‍ക്കും ഗുണകരമാകുംവിധം ചെറുതും മനോഹരവുമായ ബ്രഡ് പാക്കറ്റുകള്‍ തയ്യാറാക്കാന്‍ ബ്രഡ് നിര്‍മ്മാണ കമ്പനികള്‍ തയ്യാറാകും എന്ന പ്രതീക്ഷയോടെ,രണ്ട് കഷണം ബ്രഡ് ടോസ്റ്റ് ചെയ്യാം എന്ന് കരുതുന്നു.

ഹാപ്പി ബ്രഡ് ഡേ !!💞

Small is Beautiful: Revolutionizing the Bread Industry with Miniature Packs

 

 Small is Beautiful: Revolutionizing the Bread Industry with Miniature Packs

=====

"Small is beautiful" has become the prevailing trend in business today, especially in the food and cosmetics industries. In earlier times, when joint families were the norm, purchases were typically made in bulk. Families would buy rice and atta in large sacks, and provisions like sugar and pulses in 5 kg or 1 kg quantities, with smaller packaging almost unheard of. However, with the rise of nuclear families—typically consisting of three or four members—buying habits have shifted significantly.

 

Today, people purchase rice and atta in 1 kg or 2 kg packets, and provisions like pulses, sugar, and flour in 500 g or 250 g packages. Even condiment powders are bought in much smaller quantities, ranging from 50 g to 100 g packs. This shift has also impacted everyday consumer products like health drinks, where brands such as Horlicks, Boost, and Bournvita now offer pouches costing as little as Rs. 5 or Rs. 10. Coffee powders like Sunrise and Bru are similarly available in pocket-friendly Rs. 5 and Rs. 10 sachets. Even washing powders, chips, and other snack items are conveniently packed in smaller quantities, making them affordable and accessible for consumers.

 

Instead of storing large quantities in cupboards, today's retail environment features these products hanging in rows as ribbon strips on walls and bamboo poles in small shops across the country. This shift is more than just a change in packaging—it's a transformation in consumer behavior. People want convenience, affordability, and less waste.

 

However, one product that hasn’t yet fully embraced this trend is bread. Bread is commonly used as a breakfast item or a quick snack, particularly among school-going children and bachelors who find toast and omelets a convenient meal. Despite its popularity, bread is still sold almost exclusively in large packets. Families often hesitate to buy these bigger packs because they may not consume them entirely before the bread becomes stale. With bread having a relatively short shelf life, this results in unnecessary wastage.

 

If bread companies were to introduce smaller, more manageable packs—say, a five-slice packet alongside the usual large loaf—it could potentially revolutionize the market. These smaller packs would be more practical for nuclear families or individuals who don’t need a full loaf. It would also encourage more frequent purchases, boosting business for both producers and retailers while reducing food wastage. The shelf life of bread being limited makes this an even more logical and consumer-friendly innovation.

 

This idea, if adopted, could significantly impact the bread industry in the coming years. Smaller bread packets would align with the current trend of convenient, bite-sized packaging that meets the needs of today’s consumers. It's a simple change that could benefit everyone in the supply chain—from the producer to the seller to the consumer.

 

I believe it’s an idea worth sharing with bread manufacturers. With a little thought and investment, they could capitalize on the growing demand for smaller, more convenient packaging, and it might just be a game-changer for the industry.

 

Days at Kerala Press Academy

 

കേരള പ്രസ്സ് അക്കാദമി ജീവിതം

========================

ഇന്‍ഫര്‍മേഷന്‍-പബ്ളിക് റിലേഷന്‍സ് വകുപ്പ് ഡയറക്ടറേറ്റിലെ ജോലി പെട്ടെന്ന് മടുപ്പുതോന്നിക്കുന്ന ഒന്നായിരുന്നു.അത്തരം സന്ദര്‍ഭങ്ങളിലെല്ലാം അവിടെനിന്നും പുറത്തുചാടുക എന്നതായിരുന്നു രീതി. 2013 ലെ അത്തരമൊരു ചാട്ടമായിരുന്നു അക്കാദമി സെക്രട്ടറിയായി കാക്കനാട്ടേക്ക് നടത്തിയത്.കാര്യമായി ഒന്നു ചെയ്യാനില്ലാത്ത ഇടം എന്നൊക്കെയായിരുന്നു ഫീഡ്ബാക്ക്.ചെയര്‍മാന്‍ ശ്രീ.എന്.പി.രാജേന്ദ്രനാണ്. അക്കാദമിയില്‍ എത്തിയ ദിവസമെ ജീവനക്കാര്‍ പറഞ്ഞു, സാര്‍,ഇവിടെ ആഴ്ചയിലൊരു ദിവസം നിന്നാലൊക്കെ തീരുന്ന ജോലിയെ ഉള്ളൂ.ഞാനൊന്നും മറുപടി പറഞ്ഞില്ല.തിങ്കള്‍ മുതല്‍ വ്യാഴം വരെ അക്കാദമിയിലും ബാക്കി മൂന്ന് ദിവസം തിരുവനന്തപുരത്തുമായി നിന്ന് ജോലി ചെയ്യാം എന്നായിരുന്നു തീരുമാനം.ചെറുതും വലുതുമായ എല്ലാ കാര്യത്തിനും ഡയറക്ടറേറ്റില്‍ നിന്നും അനുമതി വാങ്ങി മാത്രം പ്രവര്‍ത്തിക്കുന്ന സ്ഥാപനമായിരുന്നു അന്ന് അക്കാദമി.ഒരു ജില്ലാ ഓഫീസിന്‍റെ സ്വഭാവത്തിലാണ് സ്വയംഭരണ സ്ഥാപനമായ അക്കാദമി പ്രവര്‍ത്തിച്ചുവന്നത്. ഡയറക്ടറേറ്റില്‍ നിന്നും ഒന്നിനും കൃത്യമായ മറുപടി നല്കുകയുമില്ല എന്നതായിരുന്നു രീതി.

 

ബൈല പരിശോധിച്ചപ്പോള്‍ സെക്രട്ടറിക്ക് ഒരു ലക്ഷം രൂപ വരെ ചിലവാക്കാന്‍ അധികാരമുണ്ട് എന്ന് കണ്ടു. അത് നടപ്പിലാക്കി തുടങ്ങിയപ്പോള്‍ എന്നോട് വ്യക്തിപരമായി തോന്നിയ ഇഷ്ടംകൊണ്ടാകും ഓരോ ജീവനക്കാരായി വന്ന് ഉപദേശിക്കാന്‍ തുടങ്ങി,സാര്‍,പെന്‍ഷന്‍ കിട്ടില്ല, ഇതെല്ലാം ആഡിറ്റ് ഒബ്ജക്ഷനാകും.അതൊക്കെ അപ്പോള്‍ നോക്കാം എന്നു പറഞ്ഞ് അവരെ സമാധാനിപ്പിച്ചു.(പതിവ് പോലെ ഏജി ഓഡിറ്റും ലോക്കല്‍ ഫണ്ട് ഓഡിറ്റും നടക്കുകയും കുറേ ചോദ്യങ്ങളും സംശയങ്ങളും ഉന്നയിക്കുകയും മറുപടി നല്‍കുകയും ചെയ്തതല്ലാതെ ദോഷമൊന്നുമുണ്ടായില്ല എന്ന് കൂടി സൂചിപ്പിക്കട്ടെ)

കുറേ വര്‍ഷങ്ങളായി അനുവദിച്ച പ്ലാന്‍ ഫണ്ടും ഉപയോഗിക്കാതെ കിടക്കുകയായിരുന്നു. അതിനും ഡയറക്ടറേറ്റ് ക്ലിയറന്‍സ് ഇല്ല എന്നായിരുന്നു മറുപടി.തിരുവനന്തപുരത്തെത്തി ധനവകുപ്പിലും പിആര്‍ഡി അക്കൌണ്ട്സിലും അന്വേഷിച്ചപ്പോള്‍ പ്ലാന്‍ ഫണ്ട് അനുവദിച്ചാല്‍ പിന്നെ അതിന് ആരുടെയും അനുമതി വേണ്ട, നടപ്പിലാക്കിയാല്‍ മതി എന്ന് മനസിലായി. ഇതിനൊന്നും ആരും എഴുതി മറുപടി നല്കില്ല എന്നും ജീവനക്കാര്‍ പറഞ്ഞു.നമ്മള്‍ ചെയ്യുക അത്രയെയുള്ളു. അക്കാദമിയില്‍ ഇത്തരം കാര്യങ്ങളില്‍ ധാരണയുള്ള ജീവനക്കാരൊന്നും ഉണ്ടായിരുന്നില്ല.അതുകൊണ്ടുതന്നെ ജില്ല റവന്യൂ ഓഫീസില്‍ നിന്നും ഫിനാന്‍സ് അഡ്വൈസറായി ഒരാളെ കണ്‍സള്‍ട്ടന്‍റാക്കി.ഉപദേശത്തിന് രൊക്കം പണം.അക്കാദമി കൌണ്‍സില്‍ ചേര്‍ന്ന് പെന്‍ഡിംഗായ എല്ലാ പരിപാടികളും നടപ്പിലാക്കാന്‍ അനുമതി വാങ്ങി. പ്രവര്‍ത്തിക്കാതെ തുരുമ്പെടുത്തിരുന്ന മെഷീന്‍ വൃത്തിയാക്കി ഉപയോഗപ്പെടുത്തുന്ന നിലയിലായിരുന്നു പിന്നെ ഓഫീസ് പ്രവര്‍ത്തനം.

 

അക്കാദമിയുടെ താഴത്തെ നിലയില്‍ താമസിച്ചിരുന്ന ആണ്‍കുട്ടികളോട് വേറെ താമസസൌകര്യം കണ്ടെത്തിക്കോളാന്‍ പറഞ്ഞു.കാമ്പസിലെ ഹോസ്റ്റല്‍ പെണ്‍കുട്ടികള്‍ക്ക് മാത്രമുള്ളതായിരുന്നു.അവിടെ ഇന്‍സിനറേറ്റര്‍ ഉള്‍പ്പെടെ ആവശ്യമായ സൌകര്യങ്ങള്‍ ഒരുക്കി.ഭാര്‍ഗ്ഗവീനിലയം പോലെ കിടന്ന കെട്ടിടം പെയിന്‍റടിച്ച് വൃത്തിയാക്കി.ഓഫീസ് താഴേക്ക് ഷിഫ്റ്റ് ചെയ്തു.മുടങ്ങിക്കിടന്ന സെമിനാറുകളും ചര്‍ച്ചകളുമൊക്കെ ആരംഭിച്ചു.ക്ലാസ് മുറികളുടെ നവീകരണം തുടങ്ങി.ചെയര്‍മാന്‍റെ മുറി വൃത്തിയാക്കി എയര്‍കണ്ടീഷന്‍ ചെയ്തു. ലൈബ്രറിയിലെ പത്രങ്ങളുടെ ഡിജിറ്റൈസേഷന്‍ ആരംഭിച്ചു.ലൈബ്രറി ടൈമിംഗ് വര്‍ദ്ധിപ്പിച്ചു.ഒഴിവുണ്ടായിരുന്ന തസ്തികകളിലെല്ലാം എംപ്ലോയ്മെന്‍റ് എക്സ്ചേഞ്ച് വഴി നിയമനം നടത്തി.വീഡിയോ എഡിറ്റിംഗ് കോഴ്സ് സജീവമാക്കി.ഫോട്ടോഗ്രഫി കോഴ്സ് തുടങ്ങി.വിഷ്വല്‍ കമ്മ്യൂണിക്കേഷന്‍ കോഴ്സ് ആരംഭിച്ചതായിരുന്നു പ്രധാന നേട്ടം.ഏഷ്യാനെറ്റില്‍ നേരത്തെ ജോലി ചെയ്തിരുന്ന അജിത്തിനെ കോഴ്സ് ഡയറക്ടറാക്കി.അതിനായി സ്മാര്‍ട്ട് ക്ലാസ്സ് റൂം തയ്യാറാക്കി. മികച്ചൊരു സ്റ്റുഡിയോ സെറ്റു ചെയ്തു.വളരെ വര്‍ഷങ്ങളായി ഡയറക്ടറില്ലാതിരുന്ന ഇന്‍സ്റ്റിട്യൂട്ട് ഓഫ് കമ്മ്യൂണിക്കേഷന്‍സില്‍ ഡയറക്ടറെ നിയമിച്ചു. അഡീഷണല്‍ സ്കില്‍ അക്വിസിഷന്‍ പദ്ധതിയുമായി സഹകരിച്ച് തിരുവനന്തപുരത്തും എറണാകുളത്തും കോട്ടയത്തും കോളേജ് കുട്ടികള്‍ക്കായി മീഡിയ ക്ലാസ്സുകള്‍ ആരംഭിച്ച് അക്കാദമിക്ക് അധിക വരുമാനമുണ്ടാക്കി.വരുമാനം വര്ദ്ധിപ്പിക്കാന്‍ അക്കാദമി പരിസരം സിനിമ ഷൂട്ടിംഗിന് നല്‍കിയെങ്കിലും അക്കാദമി പ്രവര്‍ത്തനത്തെ അത് ബാധിക്കുന്നു എന്ന് മനസിലായതോടെ നിര്‍ത്തലാക്കി.ഐടി@സ്കൂള്‍ വിക്ടേഴ്സുമായി സഹകരിച്ച് മാധ്യമരംഗത്തെ പ്രമുഖരെ കുറിച്ച് ഡോക്യുമെന്‍ററികള്‍ നിര്‍മ്മിച്ച് ചാനലിലൂടെ പ്രദര്‍ശിപ്പിക്കാന്‍ തുടങ്ങി.മീഡിയ മാസിക റെഗുലറായി പ്രസിദ്ധീകരിക്കാന്‍ തുടങ്ങി. ഗവേഷണ പ്രബന്ധ രചനയ്ക്ക് പത്രപ്രവര്‍ത്തകര്‍ക്ക് പണം നല്‍കി കാലമേറെയായിട്ടും ആരും പുസ്തകം സമര്‍പ്പിക്കാതിരുന്നത് ഫോളോ അപ്പ് ചെയ്ത് അവയെല്ലാം വാങ്ങിയെടുത്ത് പ്രസിദ്ധീകരിച്ചു.പ്രസിദ്ധീകരണ വിഭാഗം സജീവമാക്കി.കാമ്പസ് ഇക്കോ സ്മാര്‍ട്ടാക്കിയതുമായി ബന്ധപ്പെട്ട സാമ്പത്തികപ്രശ്നങ്ങള്‍ പരിഹരിച്ചു.

 

ഏറ്റവും തലവേദനയുണ്ടാക്കിയ വിഷയം തൃശൂര്‍ കോസ്റ്റ്ഫോര്‍ഡ് പ്രസ് അക്കാദമിയുടെ റൂഫ്ടോപ്പിലുണ്ടാക്കിയ ക്ലാസ് മുറികളുടെ അപാകത പരിഹരിക്കലായിരുന്നു. ഭാരം കൂടിയതിനാല്‍ ചരിഞ്ഞുനില്‍ക്കുകയായിരുന്നു ക്ലാസ് മുറികള്‍.ഒരു വലിയ ദുരന്തം എപ്പോള് വേണമെങ്കിലും ഉണ്ടാകാം എന്നമട്ടിലാണ് നില്‍പ്പ്. ഓഫീസില്‍ നിന്നും നിരന്തരം കത്തുകളെഴുതുകയും കോസ്റ്റ്ഫോര്‍ഡ് ജീവനക്കാര്‍ വന്നുനോക്കി പോവുകയുമല്ലാതെ ഒന്നും സംഭവിച്ചിരുന്നില്ല.എട്ടുലക്ഷം രൂപ അക്കാദമി നല്‍കിയാല്‍ അത് ശരിയാക്കാം എന്നായിരുന്നു അവരുടെ നിലപാട്. കോസ്റ്റ്ഫോര്ഡിന് പറ്റിയ തെറ്റിന് അക്കാദമി എന്തിന് പണം നല്‍കണം. ഇത്തരത്തില്‍ ചിലവാക്കാനുള്ള പണവും ഉണ്ടായിരുന്നില്ല. ഞാന്‍ കോസ്റ്റ്ഫോര്‍ഡ് ഡയറക്ടര്‍ ചന്ദ്രദത്തിന്‍റെ ഒരു അപ്പോയിന്‍മെന്‍റ് ചോദിച്ചു.അദ്ദേഹം കാര്യം ചോദിച്ചു.നൂറുകണക്കിന് കുട്ടികളുടെ ജീവന്‍ വച്ച് കോസ്റ്റ്ഫോര്ഡ് എന്‍ജിനീയര്‍മാര്‍ കളിക്കുന്ന നാടകം ഞാന്‍ അദ്ദേഹത്തെ ബോധ്യപ്പെടുത്തി. ഈ വിഷയം അദ്ദേഹത്തിന്‍റെ ശ്രദ്ധയിലെത്തിയത് ആദ്യമായിട്ടായിരുന്നു.അടുത്ത ദിവസത്തെ എല്ലാ പരിപാടികളും ക്യാന്‍സല് ചെയ്ത് അദ്ദേഹം തൃശൂരില്‍ നിന്നും അക്കാദമിയിലെത്തി. പ്രശ്നത്തിന്‍റെ ഗൌരവം മനസിലാക്കിയ ശ്രീ.ചന്ദ്രദത്ത് കോസ്റ്റ്ഫോര്ഡിന്‍റെ ചിലവില്‍ റൂഫിലെ മുഴുവന്‍ ഓടും ഇളക്കി പ്രശ്നങ്ങളെല്ലാം പരിഹരിച്ച് ക്ലാസ് മുറി ശരിയാക്കിത്തന്നു. അദ്ദേഹം 2018 ല്‍ മരിച്ചു. അതുല്യമായ വ്യക്തിത്വമാണ് ശ്രീ.ചന്ദ്രദത്ത്.

 

കേരളത്തിന് പുറത്ത് ചെന്നൈയിലും ഡല്‍ഹിയിലും സെമിനാറുകള്‍ സംഘടിപ്പിച്ചതും സ്മരണീയമായ ഓര്‍മ്മയാണ്.അക്കാദമിക്ക് ആധുനിക സൌകര്യങ്ങളോടുകൂടിയ ഒരു പുതിയ ആസ്ഥാനം എന്നതായിരുന്നു പിന്നീടുള്ള ശ്രമം.അതിനായി ഒരു കണ്‍സള്‍ട്ടന്‍റിനെ വച്ച് ഡിസൈനൊക്കെ തയ്യാറാക്കുകയും സര്‍ക്കാരിന് സമര്‍പ്പിക്കുകയും ചെയ്തു. അത് നടന്നില്ല എന്ന് തോന്നുന്നു. അക്കാദമിയെ കല്‍പ്പിത സര്‍വ്വകലാശാലയാക്കാന്‍ കഴിയുമോ എന്നറിയാന്‍ സമാനസ്വഭാവമുള്ള കലാമണ്ഡലത്തില്‍ പോവുകയും പ്രവര്‍ത്തനം മനസിലാക്കുകയുമൊക്കെ ചെയ്തു.അക്കാദമിയെ കേരളത്തിലെ മുഴുവന്‍ ജേര്‍ണലിസം കോഴ്സിനും ആവശ്യമായ സിലബസ്സും പുസ്തകവും തയ്യാറാക്കാനും അധ്യാപകര്‍ക്ക് പരിശീലനം നല്‍കാനും പൊതുപരീക്ഷ നടത്താനും പരിശോധിക്കാനുമൊക്കെ കഴിയുന്ന ഒരു സര്‍വ്വകലാശാലയായി ഉയര്ത്തുകയാണ് വേണ്ടത്.ഇപ്പോള്‍ നടക്കുന്ന പ്രവര്‍ത്തനങ്ങളൊക്കെ, ഇന്‍സ്റ്റിറ്റ്യൂട്ട് പ്രവര്‍ത്തനമൊഴികെ ബാക്കിയൊന്നും, മാധ്യമ സമൂഹത്തിന് വലിയ പ്രയോജനം നല്‍കുന്നവയല്ല എന്നാണ് എന്‍റെ വിനീതമായ അഭിപ്രായം. 

 

ഏറ്റവുമധികം വിയര്‍ത്തുപോയത് 2014 ഫെബ്രുവരിയില്‍ നടന്ന ആദ്യ സിം മീഡിയ ഫെസ്റ്റ് സംഘടിപ്പിച്ചപ്പോഴാണ്. സര്‍ക്കാര്‍ സഹായം ഉറപ്പില്ലാതെ ,സ്പോണ്‍സര്‍ഷിപ്പില്‍ കേരളത്തിലെ മുഴുവന്‍ ജേര്‍ണലിസം വിദ്യാര്‍ത്ഥികളെയും പങ്കെടുപ്പിച്ചുകൊണ്ടുള്ള മൂന്നു ദിവസത്തെ ഫെസ്റ്റാണ് പ്ലാന്‍ ചെയ്തത്. പണമുണ്ടാക്കാനായി ഒരുപാട് ഓടി.അക്കാദമിയിലെ കുട്ടികള്‍ ദിവസവും പത്രമിറക്കിയും സ്റ്റുഡിയോയില്‍ നിന്നും ലൈവ് റിപ്പോര്‍ട്ടിംഗ് നടത്തിയും മികച്ച ഫോട്ടോകളെടുത്തും പഠനത്തിന്‍റെ പ്രാക്ടിക്കലുകള്‍ ചെയ്തു പഠിച്ചു എന്നതായിരുന്നു ഇതിന്‍റെ പ്രധാന നേട്ടം. വലിയ ആവേശവും പ്രതികരണവുമായിരുന്നു മീഡിയ ഫെസ്റ്റിന് ലഭിച്ചത്. സംഗതി വലിയ കടത്തിലാകും അവസാനിക്കുക എന്നുറപ്പായി. അക്കാദമിയുടെ സ്വന്തം ഫണ്ടില്‍ നിന്നും പണം ഉപയോഗിക്കുന്നതിന് പരിധിയുമുണ്ട്. എന്തായാലും ഫെസ്റ്റിവല്‍ വന്നുകാണുകയും ഉത്ഘാടനം ചെയ്യുകയും ചെയ്ത മന്ത്രി കെ.സി.ജോസഫ് രണ്ട് ലക്ഷം രൂപ അനുവദിച്ചു തന്നതുകൊണ്ട് കടബാധ്യതയില്ലാതെ രക്ഷപെട്ടു.

 

അക്കാദമി സെക്രട്ടറിയുടെ ഓഫീസിനോട് ചേര്‍ന്നുള്ള ചെറിയ മുറിയില്‍ രാത്രി ചിലവഴിച്ച ആ കാലത്താണ് “ഈച്ചകളും ഉറുമ്പുകളും ജനാധിപത്യം കൊതിക്കുമ്പോള്‍” എന്ന നോവല്‍ എഴുതിയത്.ഇപ്പോള്‍ പിന്‍തിരിഞ്ഞു നോക്കുമ്പോള് സംഭവബഹുലമായ ഒരു വര്‍ഷമാണ് കടന്നുപോയത് എന്നതില്‍ വലിയ അഭിമാനം തോന്നുന്നു.2013 മാര്‍ച്ച് 13 ന് തുടങ്ങിയ പ്രവര്‍ത്തനം 2014 മാര്‍ച്ച 12 ന് അവസാനിപ്പിച്ച് വകുപ്പിലേക്ക് മടങ്ങി. ചെയര്‍മാന്‍ എന്‍.പി.രാജേന്ദ്രന്‍, വൈസ് ചെയര്‍മന്‍ കെ.സി.രാജഗോപാല്‍,കൌണ്‍സില്‍ അംഗങ്ങള്‍, അസിസ്റ്റന്‍റ് സെക്രട്ടറി എന്‍.പി.സന്തോഷ്,ഷൈനസും എലിസബത്തും സുബൈദയും രാധയും ഒക്കെ ചേര്‍ന്ന അക്കാദമി ജീവനക്കാര്‍,ഇന്സ്റ്റിട്യൂട്ടിലെ രാമചന്ദ്രന്‍ സാറും ഹേമയും അജിത്തും വിദ്യാര്‍ത്ഥികളും മാധ്യമ സുഹൃത്തുക്കളുമൊക്കെ നല്‍കിയ പിന്തുണയും ചേര്‍ന്നപ്പോഴാണ് എല്ലാം പൂര്‍ണ്ണതയിലെത്തിയത് എന്ന് നന്ദിപൂര്‍വ്വം ഓര്‍ക്കുന്നു