Chanakyaneeti- Part -6 – Interpersonal Relations – Stanzas 41- 50

 

ചാണക്യനീതി -ഭാഗം – 6 - വ്യക്തിബന്ധങ്ങള്‍ - ശ്ലോകം 41 മുതല്‍ 50 വരെ

====================

-വി.ആര്‍.അജിത് കുമാര്‍

===================

6.41

പവിത്രയായ, ബുദ്ധിമതിയായ, മൃദുഭാഷിയും സത്യസന്ധയും ഭർത്താവിനെ പ്രീതിപ്പെടുത്തുന്നവളുമായ സ്ത്രീയാണ് യഥാർത്ഥ ഭാര്യ.

 

6.42

ഭർത്താവിന്‍റെ അനുവാദമില്ലാതെ വ്രതമനുഷ്ഠിക്കുന്ന സ്ത്രീ അവന്‍റെ ആയുസ്സ് കുറയ്ക്കുകയും അവൾ നരകത്തിലേക്ക് പോകുകയും ചെയ്യും

 

6.43

സന്ദര്‍ശനം നടത്തുന്ന രാജാവ്,യാത്ര ചെയ്യുന്ന ബ്രാഹ്മണന്‍,അലഞ്ഞുനടക്കുന്ന യോഗി എന്നിവരെ ജനം ബഹുമാനിക്കും, എന്നാല്‍ അലഞ്ഞുനടക്കുന്ന സ്ത്രീ ബലാല്‍ക്കാരത്തിന് വിധേയയാകും .

 

6.44

യാത്ര ചെയ്ത് തളര്‍ന്നും ക്ഷീണിച്ചും ദൂരെനാടുകളില്‍ നിന്നും വീട്ടുവാതില്‍ക്കലെത്തുന്ന യാത്രികന് ഭക്ഷണം നല്‍കാതെ അവനവന്‍ തന്നെ ഭക്ഷണം കഴിക്കുന്നുവെങ്കില്‍ അവനെ ചണ്ഡാളനെന്ന് വിളിക്കാം.

 

6.45

ഒരു ഭാര്യയ്ക്ക് അവളുടെ ഭർത്താവിനോട് അളവറ്റ ബഹുമാനമുണ്ടാകും.വീട്ടിലെത്തുന്ന അതിഥി അവിടെ എല്ലാവർക്കും പൂജനീയനാകുന്നു.ബ്രാഹ്മണന് അഗ്നിയോടാണ് ബഹുമാനം. ബ്രാഹ്മണനെ എല്ലാത്തരം പുരുഷന്മാരും ആദരിക്കുന്നു.

 

6.46

പ്രിയമുള്ള വാക്കുകൾ സംസാരിക്കുന്നത് എല്ലാവരേയും സന്തോഷിപ്പിക്കുന്നു.അതിനാൽ, മാന്യരായ പുരുഷന്മാരേ, നിങ്ങള്‍ എപ്പോഴും മധുരമുള്ള വാക്കുകൾ ഉപയോഗിക്കുക. അത്തരം വാക്കുകള്‍ക്ക് ഒരു ക്ഷാമവുമില്ല എന്നും ഓര്‍ക്കുക.

 

6.47

വിഡ്ഢിയെ അവഗണിക്കുക, കാരണം അവൻ രണ്ട് കാലുകളുള്ള ഒരു മൃഗമാണ്. കാണാത്ത മുള്ളുപോലെ അവൻ തന്‍റെ മൂർച്ചയുള്ള വാക്കുകളാൽ ഹൃദയത്തെ തുളയ്ക്കുന്നു

 

6.48

അത്യാഗ്രഹിയെ പണം നല്‍കി സ്വാധീനിക്കാം, ധിക്കാരിയെ ആദരവ് കാട്ടി വശീകരിക്കാം, വിഡ്ഢിയെ അവന്‍റെ ഭാവനകളെ ഉദ്ദീപിപ്പിച്ച് മയക്കിടാം.എന്നാല്‍ സത്യംകൊണ്ടേ ഒരു പണ്ഡിതനെ സ്വാധീനിക്കാന്‍ കഴിയൂ.

 

6.49

ദുഷിച്ച ചിന്താഗതിക്കാരെയും മുള്ളുകളെയും രണ്ട് തരത്തില്‍ കൈകാര്യം ചെയ്യാം. ഒന്നുകിൽ ഷൂസ് കൊണ്ട് മുഖം തകർക്കുക അല്ലെങ്കിൽ സുരക്ഷിതമായ അകലം പാലിക്കുക.

 

6.50

അധികാരത്തിലിരിക്കുന്ന ആരും അഭിലാഷത്തിൽ നിന്ന് മുക്തരല്ല. അഭിനിവേശമില്ലാത്തവർക്ക് അധികാരത്തിലും അലങ്കാരങ്ങളിലും താത്പ്പര്യമുണ്ടാവില്ല. ഒരു ഇര കൂടുതല്‍ സംസാരിക്കാൻ സാധ്യതയില്ല. ഒരു വഞ്ചകൻ ഒന്നും തുറന്നുപറയില്ല.