ചാണക്യനീതി - ഭാഗം- 3-ലൌകിക ജ്ഞാനം -ശ്ലോകം 41മുതൽ 44 വരെ
================
വി. ആർ. അജിത് കുമാർ
=====================
3.41
രാജാവ് ഒരു കാര്യം ഒരു തവണ മാത്രമേ പറയൂ, പണ്ഡിതര്‍ ശിഷ്യരോട് ഒരു കാര്യം ഒരു തവണ മാത്രമേ പറയൂ, ഒരാൾ തന്‍റെ മകളെ ഒരു തവണ മാത്രമേ വിവാഹം കഴിപ്പിക്കുകയുള്ളു. ഇവ മൂന്നും ഒരിക്കൽ മാത്രമേ നടക്കുകയുള്ളു.
( ഇവിടെയും കാലഘട്ടം സ്ത്രീപക്ഷമായിരുന്നില്ല എന്ന സൂചനയാണ് ലഭിക്കുന്നത്. എത്രമോശപ്പെട്ട ഭര്‍ത്താവാണെങ്കിലും അയാളെ പരിചരിച്ച് ജീവിക്കുവാനെ സ്ത്രീക്ക് അവകാശമുണ്ടായിരുന്നുള്ളു എന്ന് വ്യക്തം. മാത്രമല്ല, ഭര്‍ത്താവ് മരിച്ചാല്‍ പുനര്‍വിവാഹവും ഉണ്ടായിരുന്നില്ല എന്നും മനസിലാക്കണം)
3.42
അസംതൃപ്തനായ ബ്രാഹ്മണനും സംതൃപ്തനായ രാജാവും വിനയമുള്ള വേശ്യയും ധിക്കാരിയായ ഗൃഹനാഥയും വേഗത്തില്‍ നശിച്ചുപോകും.
3.43
അവസരത്തിനൊത്ത് സംസാരിക്കുന്നവനും കഴിവനുസരിച്ച് സഹായിക്കുന്നവനും അധികാരം മനസിലാക്കി കോപിക്കുന്നവനുമാണ് യഥാര്‍ത്ഥ പണ്ഡിതന്.
3.44
സ്വർണ്ണത്തിന് സുഗന്ധം നല്‍കാനും, കരിമ്പിന് പഴം നല്‍കാനും, ചന്ദനമരത്തിന് പൂക്കൾ നൽകാനും, പണ്ഡിതന് സമ്പത്ത് നൽകാനും, രാജാവിന് ദീർഘായുസ്സ് നൽകാനും സ്രഷ്ടാവായ ബ്രഹ്മാവിനെ ആരും ഉപദേശിച്ചിട്ടില്ലായിരിക്കാം🙏🏿
No comments:
Post a Comment