ഫുഡ് ഡെലിവറി ആപ്പുകള്‍ ഹൈജീന്‍ റേറ്റിംഗ് ഉറപ്പാക്കണം.
ഭക്ഷണരീതികള്‍ അതിവേഗം മാറുകയാണ്. ഇപ്പോള്‍ ഓണ്ലൈന് ഡെലിവറി ആപ്പുകള്‍ വഴി ഭക്ഷണം വീട്ടില്‍ വരുത്തി കഴിക്കുകയാണ് പുതിയ ട്രെന്‍ഡ്.
ഭക്ഷണം ഉത്പ്പാദിപ്പിക്കുന്ന സ്ഥാപനവും വാങ്ങുന്ന ആളും തമ്മില്‍ നേരിട്ടുള്ള ബന്ധം അവസാനിച്ചിരിക്കയാണ്. രണ്ടുകൂട്ടര്‍ക്കും ഇടയിലായി നില്‍ക്കുന്ന സ്വിഗി, ഊബര്‍,സൊമാറ്റോ,ഫുഡ് പാണ്ട ഒക്കെയാണ് നല്ല ഭക്ഷണമാണ് ലഭിക്കുന്നത് എന്നുറപ്പാക്കേണ്ടത്.
ഇതിന് ഫുഡ് സേഫ്റ്റി ആന്‍റ് സ്റ്റ്ന്ഡാര്‍ഡ്സ് അതോറിറ്റി ഓഫ് ഇന്ത്യ നിശ്ചയിച്ചിട്ടുള്ള ചില ശുചിത്വ മാനദണ്ഡങ്ങളുണ്ട്. ഈ മാനദണ്ഡങ്ങള്‍ കൃത്യമായി പാലിക്കപ്പെടുന്നില്ല എന്നതാണ് ഇപ്പോഴത്തെ അവസ്ഥ.
പഞ്ചാബ് സര്‍ക്കാര്‍ ഈ വിഷയം ഗൌരവമായെടുത്ത് ഓണ്ലൈന് കമ്പനികള്‍ക്ക് നോട്ടീസ് അയച്ചിരിക്കയാണ്. ഭക്ഷണം നല്‍കാനായി ഓണ്ലൈന് കമ്പനികളില്‍ രജിസ്റ്ററ്‍ ചെയ്യുന്ന കടകളുടെ ഹൈജീനിക് റേറ്റിംഗ് കൂടി ഓണ്ലൈന് കമ്പനികള്‍ നല്‍കണം എന്നതാണ് ആവശ്യം.
വളരെ അനിവാര്യമായ ഒരാവശ്യമാണിത്. കേരളത്തിനും ഈ നിര്‍ദ്ദേശം ഓണ്ലൈന് കമ്പനികള്‍ക്ക് മുന്നില്‍ വയ്ക്കാവുന്നതാണ്.
No comments:
Post a Comment