 |
| Anniversary cake |
 |
| family group |
 |
| Yes, its 31st year |
ഇന്നലെ രാത്രി പന്ത്രണ്ട് മണി സമയം. പാതിമയക്കത്തില്‍ നിന്നാണ് ശ്രീക്കുട്ടന്‍ വിളിച്ച് Happy wedding anniversary ആശംസ നേര്‍ന്നത്. ഇങ്ങനെ കിടന്നാല്‍ മതിയൊ, താഴെ എല്ലാവരും ആഘോഷത്തിന് തയ്യാറെടുത്ത് നില്‍ക്കുകയാണ് എന്നുകൂടി അറിയിച്ചു. പകല്‍ ചെറിയ മഴ പെയ്തതിന്റെയും സുഖവും വട്ടക്കോട്ടയില്‍ പോയി വന്നതിന്റെ ക്ഷീണവുമുണ്ടായിരുന്നു. ചുവന്ന ലുങ്കിയിലും ടീ ഷര്‍ട്ടിലും മാറ്റമൊന്നും വരുത്താതെ താഴേക്കിറങ്ങി. നാഗര്‍കോവിലില്‍ വിഷ്ണുവിന്റെ ക്വാര്‍ട്ടേഴിസിലാണ്. വിജയശ്രീയും ഉണ്ണിക്കണ്ണനും അനഘയുമുണ്ട്. സജീവും ഉണ്ണിക്കുട്ടനും ചില അത്യാവശ്യങ്ങള്‍ ഉള്ളതിനാല്‍ രാവിടെ തന്നെ മടങ്ങിപോയിരുന്നു. ജയശ്രീയെയും ഉറക്കത്തില്‍ നിന്നും വിളിച്ചുണര്‍ത്തുകയായിരുന്നു. ഇതൊക്കെയല്ലെ ഒരു രസം എന്നു മനസില്‍ തോന്നി. താഴെ മുറിയില്‍ വൈദ്യൂതാലങ്കാരം, മനോഹരമായ ഒരു ചോക്ലേറ്റ് കേക്ക്, മെഴുകുതിരി ഒക്കെ തയ്യാര്‍.
ക്രൂശിതനായ യേശു ഉയര്‍ത്തെഴുന്നേല്‍ക്കുന്നതിന്റെ ദിനം കൂടിയാണ്. ലോകമെങ്ങും ആഘോഷത്തിന്റെ മഞ്ഞുമഴപെയ്യുന്ന ദിനം. 31 വര്‍ഷം പിറകില്‍ പരവൂരിലെ പുതിയിടം ക്ഷേത്രത്തില്‍ ബന്ധുക്കളും സുഹൃത്തുക്കളും ഒത്തുചേര്‍ന്നത് ഓര്‍ത്തുപോയി. അന്നു ഉണ്ടായിരുന്ന അച്ഛന്‍ ഇന്നില്ല. പല സുഹൃത്തുക്കളും ബന്ധുക്കളും യാത്ര പറയാതെ പോയി.
കേക്ക് മുറിച്ച് എല്ലാവര്‍ക്കും വിതരണം ചെയ്തു. ശ്രീക്കുട്ടനും ഉണ്ണിക്കണ്ണനും ഉള്ളതല്ലെ, നിമിഷങ്ങള്‍ക്കകം കേക്ക് വാനിഷായി. വിജയശ്രീ പുതുവസ്ത്രങ്ങള്‍ നല്‍കി. കുറേ സമയം സംസാരിച്ചിരുന്നു. പിന്നീട് അടുത്ത യാമത്തിലെ മഴയുമേറ്റ് ഉറക്കം പിടിച്ചു. രാവിലെ വൈകിയുണര്‍ന്നു. എല്ലാം പതിവുപോലെ. ദിവസങ്ങള്‍ എല്ലാം ഒന്നുപോലെയാണെങ്കിലും ചില ദിനങ്ങള്‍ ചിലര്‍ക്ക് വ്യത്യസ്തങ്ങളാകുന്നു. അത്തരമൊരു വ്യത്യസ്തത ഈ ദിനത്തിനുമുണ്ട്.
No comments:
Post a Comment