ലളിത ഗാനം ---- (1990- ല്‍ എഴുതിയത്)
കറുകവയലിലെ മഞ്ഞുതുള്ളിയോ
ചെമ്പരത്തിപൂവിന്‍റെ പൂംപൊടിയോ
മലവാഴക്കൂമ്പിലെ തേന്‍തുള്ളിയോ
കര്‍പ്പൂര ദീപത്തിന്‍ പൊന്‍പ്രഭയോ ( കറുക-- )
കുളിച്ചു തൊഴുത് തിലകം ചാര്‍ത്തി
വളയിട്ട കൈകളില്‍ പുളകമണിയുമായ്
ദേവാലയം ചുറ്റും സുന്ദരി നീ
സ്വര്‍ഗ്ഗലോകത്തിന്‍റെ പുഞ്ചിരി ശോഭയോ
ഇന്ദ്രനീലത്തിന്‍ മെയ്യഴകോ ( കറുക -- )
പുഞ്ചവയല്‍ വരമ്പിലെ സംഗീതമോ
നിന്‍മൊഴിയുണര്‍ത്തുന്ന രാഗമാല (2)
കവികള്‍ വാഴ്ത്തിപ്പാടും നടനസുഖം
നീ നടന്നെത്തുന്ന പാദസരമേളമോ (2)
( കറുക -- )
No comments:
Post a Comment